📝 متن آهنگ

دُدَر سِیل به تیا کالت قَشَنگه
نِشَستِن ری به ری مالِت قَشَنگه
دُدَر مِینا به سَر شونِت یه بِرنو
تو بِهتَر زِ مَهی بِهتَر زِ اَفتو
تو بِهتَر زِ مَهی بِهتَر زِ اَفتو

تَشِ عِشقِت گِرِه گُر مینه جونُم
به چی کوگِ بَهاری سیت ایخونُم
که یارُم نی دیارُم
هَمِس غَم بیده کارُم
تو بیدی آرِمونُم
گُلِ نَشمینِ هونُم

شَوِ رو ایکُنُم سَر وا خیالِت
مُ اِز صُو تا پَسین ایام به مالِت
مُ ایخُم بو بِنُم وُر قاوِ تیشنیت
تو بِنیَر اَر بیای تِیم چه کُنُم سیت
تو بِنیَر اَر بیای تِیم چه کُنُم سیت

دُدَر تُرنه طِلا مِینات حریرِ
مِنِه ویرِ تونُم شوگارِ تیره
تو بِرچِشته تیات چی تَشِ بَرقِن
به تارُ پود عِشقِت مُنه بَفتِن
به تارُ پود عِشقِت مُنه بَفتِن

🎧 پخش آنلاین آهنگ