مو حالوم خرابه تو بی مو چه حالیونی
تش به جونوم تو وا بی خیالی
بگر زم سراغی ببینی چه حالوممو
نیخوم بیایی ی رو سر مزاروم

تو رهدی دلوم رهدو بی تو گم آوی
ز سردی لاشوم دلوم پر چُم آوی
بمن من خیالوم که سیت بیقرارو
مگره خرده بی تو به غم روزگاروم

*******

بیو وا دیاروم که شیوسته شاروم
مو از درد دیری ی دم ساز نیاروم
بیو وا دیاروم که شیوسته لیزوم
مو چی رات بارون به سیت ارس اریزوم

تو کافر دلی مر خور زم نداریمو
مندیرتوم گل بیو وا دیاریمو
سر نامه غربت ولات غریوی
ندونی چه حالوم ببینی ایگروی

ندونی که بی تو چنی خارو زاروم
مو چولوم هنی هم به عشقت دچاروم
به دادوم برس غیر خت کس نداروم
مو مندیر و بی کس رهه پی نداروم

*******

بیو وا دیاروم که شیوسته شاروم
مو از درد دیری ی دم ساز نیاروم
بیو وا دیاروم که شیوسته لیزوم
مو چی رات بارون به سیت ارسا ریزوم