بلندی، سرفرازی، باصفایی
مُنار وکینو وکهرنگ ایلی
تکی دادن به اسمت مردم لُر
ستین، چادر فرهنگ ایلی

زمستون، باغ ایرونه گِره بی
اُویدی و آوردی نو بهاره
چی اَفتو، اسم پاکت ایدرخشه
ز تو تاریخ قوُم لُر دیاره

به چنگ اجنبی قانون اسیر بی
آویدی دست ایرونه گرهدی
به دورونی که میهن بی پنابی
تو وا مشروطه تهرون گرهدی

بلیط سرفراز خاک ایرون
به هر جا ری ایارم وادیاری
زُلالی چی اَو کهرنگ و دیمه
بلندی چی دنا و اسماری

گَو صمصامی و سردار مریم
زِ حونِه ایلخانی پا گرهدی
کُنار سایه دار و سوز ایلم
سَر ایل دلیرت سا گرهدی